Адамнан айла артылған ба: жуырда Жапонияда зілзала кезінде жерден бірнеше сантиметрге көтіріле алатын үй құрастырылды. Жер сілкінісі аяқталғанша осындай күйде тұра алады. Аталмыш технология өткен он жылдықта ойлап табылған болатын, алайда, жапондар оған 2011 жылғы жойқын жер сілкінісінен кейін назар аударған еді.  Air Danshin Systems Inc. комнаниясының конструкторлары ойлап тапқан бұл жүйеде зілзала кезінде үйді жерден көтеруге мүмкіндік беретін аса қуатты әуе бөстегін қамтиды.  Сезімтал датчик сейсмикалық белсенділікті дер кезінде байқап, ауа компрессорына белгі береді. Ауа компрессоры санаулы секунд ішінде үй мен оның іргетасы арасындағы арнайы бөстекті немесе жастықты үрлеп, ауаға толтырады.  Мұндай бөстектің қалыңдығы бірнеше сантиметр ғана, десе де зілзаланың зардабынан сақтауға көмектеседі. Мұндай ерекше шамамен 100-ге тарта үй құрастырылды.  Сейсмикалық белсенділіктің беті қайтқан кезде үй жерге жайлап қонады. Яғни, үй салмағымен түспей, жайлап қонатындықтан, зақым келмейді және ондағы адамдардың өмірі мен денсаулығына қауіп төнбейді.