Батыс Вирджиния университетінің мамандары зерттеу жобасының аясында робот араларды тозаңдандыруға үйреткен. Эксперимент барысында робот QR код жапсырылған гүлдерді тозаңдандырып шыққан. Әзірге бұл жасанды аралар гүлдер мен жапырақтарды бір-бірінен ажырата алмайды.

Соңғы жылдары әлем бойынша аралардың саны кеміген. Болашақта осының салдарынан көптеген өсімдік түрі жойылып кетуі мүмкін. Осы мәселені алдын алу үшін Батыс Вирджиния ғалымдары робот аралар жобасын қолға алды. Бірақ, мұндай роботтар жылыжайдың ішінде ғана жұмыс істей алады. Ғалымдар робот араларға арнайы өсімдік түрлерін өсіру керек деп әзілдеуде.