Ед Керри есімді америкалық бағбан әлемде ең ашшы бұрыш өсіріп, өзі осыдан тура он жыл бұрын орнатқан рекордты жаңартты. Жаңа бұрыш сортының өткірлігі – SCOVILLE шкаласы (тіл күйдірер дәм) бойынша 2,69 млн жылу бірлігіне тең. Бұл жайында islam.kz порталы knife.media ақпарат көзіне сілтеме жасай отырып мәлім етеді. Салыстыру үшін алсақ, Халапеньо бұрышының жылу индексі 3 мыңнан 8 мыңға дейін SCOVILLE бірлігіне тең болса, ал 25 жыл бұрын ең ашшы деп саналған Хабанеро бұрышы 200-300 мың бірлікті құрайды. Америкалық бағбан бұл сортты шығару үшін табаны күректей он жыл тер төккен: Каролина Реапер сортын басқа өсімдікпен будандастырған. Өткір дәм ауырсыну рецепторларымен байланысатын және күйдіру сезімін тудыратын капсаициннің құрамымен анықталады. Өткір дәмнен дофамин мен эндорфин көптеп бөлінеді.

 

First We Feast / YouTube