Адамзаттың жартысынан астамы смартфонды пайдаланады. Бұл жайында islam.kz порталы GSM Arena ақпарат көзіне сілтеме жасай отырып мәлім етеді. Сарапшылардың есебінше, 2023 жылы әлем тұрғындарының 55 пйызы, яғни, 4,3 млрд адам смартфон пайдаланады. Бұл ретте мобилді интернетті пайдаланушылар қарасы – 4,6 млрд адамды құрады. Сондай-ақ, сарапшылар мобилді интернетті әлі пайдаланбаған адамдар санын да атады - 3,4 млрд адам. GSMA бұл тарапта түрлі аймақтар мен елдер арасындағы теңсіздікті анықтады. Дерек бойынша Солтүстік Америка, Шығыс Азия және Тынық мұхиты елдеріндегі смартфон иелерінің 69 пайызы 4G технологиясын пайдаланады. Ал Африка құрлығы мен Таяу Шығыс тұрғындарының көпшілігі әлі күнге 3G желісін пайдаланады. GSMA бас директоры Матс Гранрид интернетке қосылуға шамасы жоқ миллиардтаған адамның өмірлік маңызды қызметтерге қол жеткізе алмай отырғанын алға тартты. Ол үкіметтерді цифрлық технологияларды енгізуді жеделдетуге үндеді.