Біріккен Араб Әмірліктерінде емделуге қаржысы жоқ обыр сырқатымен ауыратындарға қажетті қаражат тауып беру мақсатында «Обырмен сырқаттанатындардың досы» (Friends of Cancer Patients Society) деп аталатын зекет жинау науқаны қолға алынды. Өткен жылы 169 пациент зекеттен түскен қаржыны қолдарына ұстаған болатын. Соңғы 15 жылдың ішінде обырмен ауыратын шамамен 950 пациент пен олардың отбасына осынау игі бастамадан түскен қаражат берілген көрінеді. Аталмыш ұйымның құрылуына ықпал еткендердің бірі – Әмір бен Карамның айтуынша, зекет – осы елдегі обырмен ауыратындарға қаржылай көмектесудің негізгі қаржы көзі болып табылады.