Өзбекстанда балалардың заңсыз жолмен діни білім алуы әкімшілік құқық бұзу санатына жатқызылды. Заңсыз жолмен діни білім алған балалардың ата-анасы әкімшілік жауапкершілікке тартылады. Бұл жайында islam.kz порталы IslamNews апарат агенттігіне сілтеме жасай отырып мәлім етеді. Аталған мемлекет басшысы қол қойған заң талаптары бойынша астыртын, яғни, тіркелмеген медреседе білім алған балалардың ата-анасы немесе қамқоршысы тек айыппұл «арқалап» қоймай, сонымен қатар, 15 тәулікке қамалады. Өзбек билігі осылайша өсіп келе жатқан жас ұрпақты кейін ұлт қауіпсіздігіне қатер төндіруі мүмкін күмәнді діни ағымдардан сақтандырмақ.