Сәулетші Емре Аролат көзге үйреншікті сәулет үлгісіне мүлдем келмейтін ерекше жобаны жүзеге асырды: шаһар маңындағы Бююкчекмедже елдімекендегі мешіттің тек күмбезі ғана жер бетінде орналасқан. Оның өзі сұр тастардан қаланғандықтан зер сала қарамаған адамға байқала бермейді.

Ғибадат ғимаратының іші жұпынылығымен әрі жинақылығымен ерекшеленеді: онда көз тартатын, көңіл аударатын артық-ауыс нәрсе жоқ. Еденге төселген кілемнің өзі ою-өрнектен жұрдай.

Мешіттің сәнін келтіріп тұрған жалғыз нәрсе – қара шынылы қабырғадағы жарқырап тұрған сүрелер ғана.

Сәулетшінің сөзіне қарағанда, Санчаклар мешітін салуға Пайғамбарымызға (Алланың сәлемі мен иглігі жаусын!) уахи келген үңгір қанат бітіріп, шабыттандырған көрінеді.