Пәкістанда жойғыш ұшақтың тізгінін ұстаған ұшқыш мұсылман әйел Мәриям Мұхтияр қаза тапты. Шариғат шәлісін жамылған,  FT-7PG жойғыш ұшағын тізгіндеген мұсылман әйел жаттығу кезінде техникалық ақаудың салдарынан опат болды. Бұл жайында «Al Arabiya» ақпарат көзі хабар таратты. Пәкістанның әскери әуе күштерінде қызмет ететін марқұм шейіт атанды. «Офицер Мәриям Мұхтияр шейіт болды. Ол осы құрметке лайық болған Пәкістанның ӘӘК-терінен шыққан тұңғыш әйел»,- деп айтылған хабарламада. Оның ұшағы ел астанасы – Исламабад қаласынан батыс-оңтүстікке қарай 175 шақырым қашықтықта апатқа ұшырады.