Халықаралық құқық қорғау ұйымдары будда радикалдары тарапынан зорлық-зомбылық көріп, өз атамекенін қуылған, бүгінгі таңда көрші елдерді паналаған рохиньялық мұсылмандардың тұтас бір ұрпағына «жоғалу» қаупі төнгенін айтып, дабыл қағып отыр. Босқындар лагерін паналаған рохиньялық мұсылмандардың өсіп келе жатқан буыны білім алу мүмкіндігінен қағылған. Басын қатерге тігіп, Мьянмада, яғни,  Ракхайн штатында (өз атамкенінде қалған) рохиньялық мұсылмандар білім алу мүмкіндігінен 2012 жылы айырылған. BurmeseRohingyaOrganisationUK (BROUK) ұйымы келтірген дерекке қарағанда, рохиньялық мұсылман босқындар қарасы көп шоғырланған (700 мыңнан аса) Бангладеште оларға білім алуға және білім алатын ғимарат салуға қатаң тыйым салған. Бұл жайында арабтардың Al Jazeera ақпарат көзі хабар таратты.