Turkstat дерегіне қарағанда, өткен жылы (2025) Түркияда неке қидырғандар саны азайып, ажырасқандар қарасы көбейген. Бұл жайында islam.kz порталы mk-turkey ақпарат көзіне сілтеме жасай отырып мәлім етеді. Тіркелген некелер саны бір жыл бұрынғы (2024) 570 000-ға қарағанда 552 000-ға дейін азайды. Некелесудің жалпы коэффициенті мың адамға шаққанда 6,43-ті құрады. Ажырасулар саны 2024 жылы 189 000-нан 2025 жылы 194 000-ға дейін өсті, ал ажырасу коэффициенті мың адамға шаққанда 2,26-ға артқан. Алғаш рет отбасын құрушылардың орташа жасы екі жыныста да ұлғайып келеді: ерлер алғаш рет орта есеппен 28,5 жаста, әйелдер - 26 жаста үйленеді. Ерлі-зайыптылардың арасындағы айырмашылық шамамен 2,5 жылды құрайды. Жергілікті тұрғынмен некелескен шетелдіктер қатары сиреген. 2025 жылы: - 5300 шетелдік күйеу бала (барлық күйеу баланың 1%) Түркияда некеге тұрды; олардың арасында көбінесе Сирия, одан кейін Германия және Ауғанстан азаматтары бар. - шетелдік қалыңдықтар барлық қалыңдықтың 5% -ын құрады; бірінші орында - Сирия, одан кейін Өзбекстан және Марокко азаматтары. Ажырасудың 34% -ы некенің алғашқы 5 жылында, 20,3% -ы - 6 және 10 жылдар аралығында орын алған.