Түркияның қорғаныс саласының флагманы атанған Baykar компаниясы әзірлеген BAYRAKTAR KEMANKEŞ круиздік шағын зымыран тасығышы Стамбулда өткен әлемдегі ең үлкен TEKNOFEST авиация және ғарыштық технологиялар фестивалінде жұртшылық назарына ұсынылды. Бұл жайында islam.kz порталы Anadolu Ajansı ақпарат көзіне сілтеме жасай отырып мәлім етеді. Алыс-жақын елдерге танымал аталмыш шара 2018 жылдан бері жыл сайын Түркияның өнеркәсіп және технология министрлігі мен Т3 қорының ықпалымен өткізіліп келеді. Бұл фестивалде елдің технологиялық дамуына елеулі үлес қосқан компаниялар мен ұйымдарға қолдау көрсетіледі. Baykar платформасының конструкциялық тобының жетекшісі Бурак Өзбек BAYRAKTAR KEMANKEŞ шағын круиздік зымырандар Bayraktar TB2 ұшқышсыз ұшқышының соққы мүмкіндіктерін арттыру үшін жасалғанын жеткізді. Бұл зымыран тек Bayraktar TB2 ұшқышсық аппаратына ғана емес, сонымен қатар, өзге де соққы беруші беспилотниктерге кіріктірілуі мүмкін. KEMANKEŞ-тің жалпы салмағы - 35 келі, оқтұмсықтың салмағы - 6 келі. Шағын зымыран реактивті қозғалтқышпен жабдықталған. Нысанаға дәл тигізу қашықтығы бүгінде 50 шақырым болса, болашақта ол 100 шақырымға жетеді. Ол әуеде бір сағатау уақыт бола алады.