«Ғаламдық байлық-2014» деген тақырыппен жүргізілген зерттеу нәтижесіне қарағанда, Түркия дәулеті 100 млн доллардан асатын байлар саны жағынан әлем бойынша 12-ші орынға табан тіреген. Американың  Boston Consulting консалтингтік компаниясы анықтағандай, Түркия елінде дәулеті шалқыған 288 адам бар көрінеді. Ал АҚШ қашанғысынша байлар саны жөнінен көш бастап тұр: дәулеті 100 млн доллардан асатын бұл елдегі байлардың саны –  4 мың 754 адам. Одан кейінгі орынға Ұлыбритания жайғасқан – 1 мың 44 адам. Қытай елінде – 983, Германияда – 881 адам. 

Ал 100 мың тұрғынға шаққанда миллионерлер саны бойынша Катар алда келеді. Осынау мұсылман елінде 100 мың тұрғынға шаққанда дәулеті 1 млн доллардан асатын 175 адамнан келеді екен. Екінші орынды Швеция місе тұтқан: 100 мың тұрғынға шаққанда 127 миллионерден келген. Үшінші орыннан Сингапур көрінген: 100 мың тұрғынға шаққанда – 100 миллионер.