Пәкістанның ақпараттық технология экспорты бес айда 19 пайызға артып, ел қазынасына 1,8 млрд доллар кіріс әкелген. Бұл жайында islam.kz порталы Daily Times ақпарат көзіне сілтеме жасай отырып мәлім етеді. Бұл өсім өз кезегінде күллі әлем бойынша технологиялық қызметтерге сұраныстың артқанын көрсетеді. Тек қараша айының өзінде аталған елдің ІТ- ресурсының экспорты 356 млн долларға жеткен. Пәкістанның мемлекет лауазымындағы ресми тұлғалар мен сарапшылар бұл жетістікті инвестиция жөніндегі арнайы кеңестің (SIFC) саясатымен байланыстырады. Бұл шаралар операциялық тосқауылдарды еңсеріп, халықаралық нарықтарға жол ашты және жергілікті және шетелдік инвестициялардың өсуін ынталандырды. Жаһандық клиенттер мен инвесторлар арасында сенім едәуір өсті. Осы сала сарапшыларының айтуынша, ІТ-өнімдер экспортының өсуі жалпы Пәкістан экономикасы үшін оң серпін береді. Бұл сектор тек маңызды валютаны қалыптастырып қана қоймай, білікті жастар үшін жұмыс орындарын ашады және инновациялық дамуға ықпал етеді. Бұл саланың дамуы әрберіден соң Пәкістанның цифрлы егемендігін нығайтады. Бұдан бөлек, елді бәсекеге қабілетті технологиялық хаб ретінде танытады.