Кеше, яғни, маусым айының 26-ы күні Қазан қаласында татарлар 1552 жылы Иван Грозныйдың басқыншы әскерінен Қазан қаласын қасық қаны қалғанша қорғаған қаһарман бабаларын еске алып, шеруге шықты.  Аталған акцияға қатысқандар Татарстан республикасына толық тәуелсіздік беру талап етілген қарар қабылдады. "Новая газета" мерзімді басылымы хабарлағандай, Бүкіл татарлық қоғамдық орталығының мұндай акцияны өткізуге сонау қайта құру кезеңінен бері рұқсаты бар болып шықты. Белсенділер татар тілінде білім берудің өзі мұңға айналып бара жатқанын, мұсылмандарды терреорист етіп көрсету арқылы түрлі желеумен қудалаудың қарқын алғанын және Мәскеудің империялық кеудемсоқтығының асқынып бара жатқанын ашына жеткізді.