«Тәліптер» радикалды қозғалысы (Біріккен Ұлттар Ұйымының қарары бойынша әлемнің көптеген елінде және Қазақстан аумағында қызметі мен насихатына тыйым салынған – ред.) билік тізгінін ұстаған кезден бері, яғни, өткен жылдың тамыз айынан бері шариғат талаптарына қайшы келеді деген аргументпен 23 млн-нан аса интернет сайтты жауып тастаған. Осылайша сөз бостандығына өрескел шектеу енгізіп отыр. Бұл жайында islam.kz порталы Tolo News телеарнасына сілтеме жасай отырып мәлім етеді. Бұдан бөлек, СИМ-картаны заңсыз деп танып, пайдалануға тыйым салды. Тіпті, Ауғанстанның байланыс министрлігінің келтірген дерегіне қарағанда, бұл тарапта «заңсыз» СИМ-карталардың 85-90%-ның пайдаланылуының алдын алған. Осы орайда интернеттегі контенттерді және теледидар хабарларын тәліптер билікке келген құрылған жақсылыққа шақырып, жамандықта тыятын министррлік қадағалап отыратынын айта кетпекпіз.