Өзгерістерге сәйкес, діни білімді тек мемлекеттік оқу орындарынан ғана алуға рұқсат беріледі.

Тәжікстан – Орталық Азиядағы ұзақ уақыт бойы діни партия жұмыс істеп келген бір ғана мемлекет. Тәжікстандағы исламның жаңғыруы партиясы Совет одағы құлағанға дейін құрылып, 2015 жылдың күзіне дейін жұмыс істеп келді. Партия жетекшілерін мемлекеттік төңкеріс жасамақ болды деп айыптап, партияның жұмысына тыйым салған.

Заң жобасына енгізілген өзгерістерге сәйкес, жергілікті билік не кәсіпкерлерге жаңа мешіттерді иеленуге не салуға рұқсат берілмейді. Сонымен бірге мешітке тек ислам әлеміне әйгілі тұлғалардың аттарын ғана беруге болады.