Ұлыбританияның бетке ұстар әрі ең ірі BAE Systems қорғаныс компаниясы STRIX - тігінен ұшып әуеге көтерілетін және тігінен жерге қонатын (VTOL) ұшақтарының жаңа түрі екенін мәлімдеді.  Бұл жайында islam.kz порталы newatlas.com ақпарат көзіне сілтеме жасай отырып мәлім етеді. Ең алдымен әскери мақсатта қолдануға арналған STRIX өткен жылдың ақпан айында Австралияның Avalon Air Show авиасалонында жұртшылық назарына ұсынылды. Автономды (дербес жұмыс істейтін немесе қозғалатын) және алысқа ұша алатын ұшақ алғаш рет көкке көтерілді. STRIX-тің өндірістік нұсқасы гибридті қозғалтқышпен жабдықталады, ол 800 шақырымға дейінгі қашықтыққа салмағы 160 келі тартатын жүкті тасымалдауға мүмкіндік береді.