Шіркеу қызметкері Понтус Гуннарсон 40 күн бойы босқындарға арналған жәрдемақымен күнелткен. Босқындарға берілетін күндік ақша – 61 кронға ғана өмір сүрген ол өз зерттеуін Пасха мейрамы қарсаңында аяқтаған. Ол Швециядағы босқындар жайының көпшілік ойлағаннан да ауыр екенін айтады.

«Психологиялық тұрғыдан өте ауыр. Мен кедей емеспін. Бірақ мұқтаждық не екенін сезіндім», – дейді ол.

Ол өзінің бұл бақылау зерттеу жұмысы жайлы баспасөз құралдарын да жиі ақпараттандырып отырған. Фейсбук парақшасына фотосуреттер мен жазбалар арқылы бөлісіп отырған дүниелер де көп. Ол осы әрекеті арқылы 22 жылдан бері өзгермеген босқындар жәрдемақысының мардымсыз екеніне қоғам назарын аудартпақ.

«Қоштамаған хаттар мен пікірлер де кездесіп жатты. Дегенмен, олардың барлығы мені қолдап, қуаттаған жандардың тасқынының астында қалды», – дейді Гуннарсон.

Босқындар қай елде тұрғатынын таңдай алмайтын болды