Саудия билігі өз елінің ресми тұлғаларына шетелге тек ұлттық киіммен шығуға міндеттеді. Яғни, аталған елдің ресми тұлғалары шетелде өтетін ресми және бейресми шаралараға ұлттық киім киіп қана қатыса алады. Саудия билігі мұндай қадамға өздерінің ұлттық ерекшелігін, яғни, ұлттық мәдениетін  насихаттау мақсатында барып отыр. Естеріңізде болса, осыдан бірнеше күн бұрын Біріккен Араб Әмірлігінің билігі керісінше өз азаматтарына шетелде ұлттық киіммен жүріп-тұруға тыйым салғанын хабарлаған болатынбыз. Сақтық танытып. Әлемді шарпыған исламофобиялық құбылыстан азаматтары зардап шекпеуі үшін.