2015 жылы Тәжікстанның Хатлан облысында жергілікті билік 13 мың ер адамның сақалын күшпен алып тастаған. Сонымен қатар, 2 мың әйел өз еркімен хиджаб киюден бас тартқан.

Би-Би-Си агенттігінің хабарлауынша, құқық қорғау органдары «тәжік мәдениетіне сәйкес келмейтін құндылықтармен» күрес барысында осындай шараларды қолға алған.

Тәжікстанның милиция қызметкерлері жүз мыңға  жуық сақалды адамдарды ұстаған. Олардың аты-жөнін анықтап, саусақтарының ізін алған  соң сақалдарын күшпен қырып тастаған.

«Жат құндылықтардан арылыңдар! Дәстүрлі үлгімен тігілген киім киіңдер, тәжік әйелі үшін қара түс қаралы күйдің белгісі», - деп атап өткен мемлекет басшысы Эмомали Рахмон.

Көл маңына қойылған автомобиль мұз мүсініне айналды (ВИДЕО) 

ҚазАқпарат - Америкалық Нью-Йорк штаты тұрғынының көлігі бір түнде мұз мүсінге айналды. Ол машинасын Эри көлінің жағасына қалдырған.   

Темір тұлпар иесі іс-әрекетіндегі ағаттықты екінші күні көлігін әкетуге келгенде ғана түсінген, деп хабарлады 1tv.ru.

Бұл уақытта ауа райы қатты бұзылды - аяқ астынан күн суытып, көлде дауыл көтерілген. Осының салдарынан ол эвакуатор шақыртып, көлікті құрсаулаған мұзды сындыруға, кейін жылы гаражға біраз уақытқа қоюға мәжбүр болды.