Гамбия президенті Яйя Джамме сенбі күні елін «ислам республикасы», деп жариялады. Бұл жайында мемлекет басшысының ресми сайты хабар таратты. «Бүгіннен бастап Гамбия – ислам республикасы. Біз азаматтардың құқықтарын құрметтейтін ислам мемлекеті болмақпыз», - делінген мәлімдемеде. Гамбияның 90%-ға жуығы өздерін мұсылманбыз деп санайды, алайда елде күні бүгінге дейін ресми мемлекеттік діні болмаған. Айта кетейік, қазіргі таңда әлемде 4 ислам республикасы бар. Олар: Иран, Пәкістан, Ауғанстан мен Мавритания.

Дайындаған: Жақтай Ә.

Парижде 196 ел климат жөніндегі жаңа келісімді қабылдады 

Парижде  196 елдің өкілдері БҰҰ- ның климат жөніндегі жаңа шекті келісімін қабылдады. Құжатқа сәйкес мемлекеттер 2022 жылға дейін жаһандық жылумен күрестегі ұлттық мақсаттарын айқындауы тиіс. Ал 2023 жылы алғашқы жалпы қорытынды сараланады.

Ұлттық іс-шаралардың басты мақсаты - Жер бетіндегі  ауа температурасының көтерілуін индустрияландыруға дейінгі кезеңмен салыстырғанда   2 градустан аспайтын деңгейде ұстап тұру. 

Айта кетер жайт, елдер температураның өсуін 1,5 градусқа дейін тежеуге тырысатындықтарын мәлімдеді.