Юна есімді малайлық әнші шариғат шәлісін имиджіне айналдыра білген әйел де. Ол жалаңбас жүрмеген және ол туралы ойламайды да. Тіпті, керек десеңіз, өзін шариғат шәлісінсіз елестете алмайды. «Мені оны шектеу секілді қабылдамаймын – өзімді еркін сезініп, музыкамен шұғылданам»,- деді ол шариғат шәлісіне қатысты. «Мен әрдайым қарапайымдылыққа ұмтылумен келемін. Бұған қоса, музыкамен айналысқалы бері шариғат шәлісін басымнан тастамаймын. Бұл мен үшін маңызды - мұсылмандық танымым мен талғамыма сай келеді»,- деді артынша. 29 жастағы әнші әншілік мансабы үшін діннің кедергі келтірмейтінін, сол себепті, музыка индустриясы мен зайырлы ортада тараған «мұсылман әйелдердің қысым көруде» деген жаңсақ ұғымнан алыс екенін жеткізді. Бұл жайында «IslamNews» порталы «Time» ақпарат көзіне сілтеме жасай отырып, хабар таратты. «Бұл – менің дербес таңдауым. Бір қызығы, адамдар маған хиджабты шешіп, өзіңді еркін сезін дейді. Мен шариғат шәлісін жамылғанда ғана өзімді еркін сезінемін!»,- деді ол сөзінің соңында.

Мұсылман әйел НАСА-ның ғарыш кемесін құрастырып жатыр

Соха Алгешави – ғарыш кемесін құрастырып жатқан шариғат шәлісін жамылған тұңғыш мұсылман әйел. Ол 2011 жылдан бері, яғни,, Техастағы университетін тәмамдағаннан кейін НАСА-да жұмыс істеп келеді. Тегі палестиналық Соха Алгешави өз секілді білімді де талантты әріптестерімен НАСА үшін «Orion» деп аталатынғарыш кемесін құрастыруда.Мұсылман әйел атсалысып жатқан, 3030 жылы аяқталатын бұл жоба астронавтарды ашық ғарыштағы пунктке жеткізуге арналған. Соха Алгешавидің үш баланың анасы, арқа сүйер ер-азаматы бар отбасылы адам. 

Шариғат шәлісін жамылған әйел чемпион атанды

Фарназ Исмаилзаде есімді ирандық мұсылман әйел жартасқа өрмелеуден әлем чемпионы атанды. Шариғат шәлісін жамылған біздің кейіпкеріміз ұлттық құраманың мүшесі әрі жаттықтырушысы, сондай-ақ, жартасқа өрмелеу спорт өнері бойынша төреші де. Ол шыңды тез бағындыруға машықтанған. Ол Иранда жартасқа өрмелеу бойынша әйелдер арасындаабсолютті рекорд орнатқан қайсар әйел. Екі мәрте чемпион атанды аталған спорт түрінен. Сонымен қатар, Азия чемпионатынан алтын және күміс жүлдегері. Ол Канаданың Ванкувер қаласында өткен жартасқа өрмелеу жарысында алтын медалға ие болды.