Әлеуметтік желіде шақалақты шалшық сумен жуындырған сәт бейнеленген фото-сурет ғаламтор қолданушыларын бенй-жай қалдырмады. Сириялық босқын әйел шарананы пластик құтыға құйылған шалшық сумен жуындырғаны босқындардың қандай жағдайда күн кешіп жатқанынан хабар береді. Тұрмыс тауқыметін тартқан, яғни, қарапайым қажеттіліктерін өтеуге жағдайы жасалмаған босқындар қонысында тазалық талаптары сақтала бермейді. Бұл жайт Грекия мен Македония шекарасы маңындағы Идомени лагерінде болған. «Al Arabiya» ақпарат көзінің хабарлауынша, шақалақты жуындырып жатқан анасының есімі – Суляф, шарананың аты – Байян. «Әзірге індет бола қойған жоқ»,- деді «Әлем дәрігері» қайырымдылық ұйымының медбикесі Сара Коллинз.