Сауд Арабиясы көп ұзамай уранды байытумен әрі сатумен айналысады. Бұл жайында islam.kz порталы өз кезегінде «әл-Жазира» ақпарат көзіне жөн сілтеген IslamNews сайтына сілтеме жасай отырып мәлім етеді. Аталған елдің энергетика министрі Әбдіәзіз бен Салман әл-Сауд Дахранда өткен жиында бұл бастама табиғи ресурстарды ақшаға айналдыру стратегиясының бір бөлігі екенін атап өтті. Саудия билігі таяуда ядролық бағдарламасын дамытуға кірісті. Осыған байланысты халықаралық аренада шетін мәселеге айналған уран байытуды қолға алатынын жариялады. Уран байыту ядролық қаруға қол созумен бірдей әрекет ретінде бағаланатын ескерсек, Саудия билігі энергетикалық саланы әртараптандыру мақсатында ғана осындай қадамға барып отырғанына сендіріп бақты. Егер Саудия өзінің алғашқы ядролық реакторын іске қосса, МАГАТЭ-нің міндеттері мен тексеру процедуралары қолданылмайды. Өйткені, протоколға сәйкес дамушы елдердегі атом энергетикасын дамыту мақсатында аз мөлшерде уран байытуға рұқсат етілген.