Сауд Арабиясының королі Салман әл-Сауд елбасы Н. Назарбаевқа қасиетті Қағбаның жабындысын жөнелтті. Бұл жайында Қазақстан Республикасындағы Сауд Арабиясының елшісі Захир бен Мутиш әл-Анези Ақордада сенім граматосын тапсыру кезінде мәлім етті. "Қазақстан президентімен кездесу мен үшін үлкен құрмет. Менсенім грамотасын тапсырғаныма қуаныштымын. Президент Сауд Арабиясының королі жіберген қасиетті Қағбаның жабындысын қуана қабыл алды",- деді толқи тіл қатқан құрметті елші мырза. Сөз орайы келгенде айта кетейік, қасиетті Қағбаның жабындысы "кисуа" деп аталады. Ол қара жібектен жасалады және алтын жіптермен әдіптеледі. Оның ұзындығы 41 метрге жетеді. Ақордада Сауд Арабиясының елшісінен бөлек, тағы сегіз елдің елшілері елбасыға сенім грамоталарын тапсырды. Атап айтқанда, Марокканың еліміздегі елшісі Әбдіжәлел Собри, Оңтүстік Африка республикасының елшісі ийтуметци Сийпело Тандека Мэттьюс, Біріккен Араб Әмірлігінің елшісі Мұхаммед Ахмет Сұлтан Иса әл-Жабир, Малайзия елшісі Дато Сайд Әбдірахман, Грузия елшісі Зураб Абашидзе, Монғолия елшісі Лувсан Баттулга. Салтанатты шара соңында елбасымыз елшілерге дипломатиялық қызметінде жетістіктерге жете беруіне тілек білдірді.