Сауд Арабиясы ғаламтор арқылы пітір садақа жинауға тыйым салды (видео)

Сауд Арабия билігі әлеуметтік желілер арқылы сириялықтарға арнап пітір садақа жинауға мүлдем тыйым салды. Енді хабарлама жіберіп, көпшіліктен көмек сұрауға рұқсат жоқ. Тіпті осындай әрекет жасаған шетелдік азамат ұстала қалса, бірден елден шығарылуы мүмкін.

Билік өкілдерінің айтуынша, әлеуметтік желіде підір садақа жинау лаңкестікпен күреске және оны қаржыландыру жолын бөгеуге кесірін тигізеді. Рамазан айында қайырымдылық жасағысы келген адамдар енді гуманитарлық көмек орталығы немесе ресми тіркеуден өткен орындар арқылы қол ұшын бере алады.