Ресей Федерациясы аумағында қызметі мен насихатына қатаң тыйым салынатын лаңкестік ұйымдар қатары тағы бір қозғалыспен толықты. Дәлірегі, бұл арада халықаралық сатанистер қозғалысы турасында сөз болып отыр. Бұл жайында islam.kz порталы өз кезегінде interfax агенттігіне жөн сілтеген IslamNews ақпарат көзіне сілтеме жасай отырып мәлім етеді. РФ жоғарғы соты бас прокуратура мен әділет министрлігінің бастамасымен сатанистер қозғалысын экстремистік ұйым ретінде танып, оның қызметі мен насихатына ел аумағында тыйым салды. Сот шешімінде айтылғандай, аталмыш ұйым дәстүрлі діндерге қарсы әрі жеккөрушілік пенжаулықты дәріптейді. Сатанизм радикалдар мен ненацистер арасында кеңінен танымал. Осы орайда РФ мемлекеттік думасына осы жылдың сәуір айында эзотериялық қызметтерге тыйым салу қарастырылған заң жобасы енгізілгенін айта кетпекпіз.