Реей Федерациясының мемлекеттік думасының депутаты Сұлтан Хамзаев 21 жасқа толмаған адамдарға алкоголді ішімдіктерді сатуға және тұтынуға тыйым салатын заң жобасын дайындайтынын мәлімдеді. Бұл жайында islam.kz порталы өз кезегінде «Жаңалықтар» ақпарат агенттігіне жөн сілтеген Islam-Today сайтына сілтеме жасай отырып мәлім етеді. Оның айтуынша, бұл бағыттағы нормаларды бұзғандар әкімшілік жауапкершілікке тартылады. Депутат, мәселен, аңшылық, спорттық, сондай-ақ, травматикалық қаруларды 21 жастан бастап сатып алуға болатынын атап өтті. «Қоғамдық қауіпсіздік үшін алкогол - адамның жеке басы толық жетілген кезде сатып алуға болатын қару. Психологиялық белгі 21 жаста», — деп түсіндірді ол. Егер бұл заң жобасы қабылданатын болса, ендігі жерде тек ішімдік сатқандар ғана емес, сонымен қатар, жасы 21-ге толмаған тұтынушы да әкімшілік жауапкершілікке тартылады.