Рамазанда сауда-саттық жіті қадағаланады

Қасиетті айдың қарсаңында Сауд Арабиясының сауда және инвестиция министрлігі тұтынушылардың құқығын қорғау науқанын бастады: аталмыш министрлік өкілдері Рамазан айында саудагерлердің тұтынушыларды алдамауын, жарнамалардың шынайылығын қадағалайтын болады. Нақтырақ айтқанда, министрліктің инспекторлары саудаға шығарылған тауарлардың мерзімі өтіп кетпеуін де тексеріп тұратын болады. Әсіресе, бағаның негізсіз өсуіне жол бермейді. Ал алданып қалған тұтынушылар үшін арыз-талабын айта алатын арнайы колл-орталық жұмыс істейтін болады.