Биыл, яғни, 2025 жылдың бас кезінен бері күллі әлем бойынша күн стансаларының саны рекордтық деңгейге жеткен. Бұл жайында islam.kz порталы electrek.co ақпарат көзіне сілтеме жасай отырып мәлім етеді. Жылдың алғашқы жартысында жер-жаһан тағы 380 гигватқа ие болы – бұл көрсеткіш өткен жылғысымен (232 гигватт) салыстырғанда 64%-ға артқан. Осы дылдың алғашқы жартысының өзінде Қытай аумағында жаалпы қуаты 256 гигватты құрайтын күн стансалары салынған. 2024 жылы күн энергиясының әлемдік өндірісі 2023 жылмен салыстырғанда 28% -ға (+ 469 тераватт-сағат) өсті. Қытай үлкен айырмашылықпен күн электр стансаларын құруда көш бастап келеді: 2025 жылдың бірінші жартысында аталған ел бүкіл әлемге қарағанда екі еседен астам қуат қондырғыларын орнатты - бұл жалпы өсімнің 67% -ын құрады (өткен жылдың осы кезеңіндегі 54% -ға қарағанда). Басқа елдер де күн энергетикасының қуатын белсенді түрде арттыруда. 2025 жылдың бірінші жартысында олар шамамен жалпы 124 гигават өндіретін қондырғыларды пайдалануға берді, бұл өткен жылмен салыстырғанда 15% -ға артық. Үндістан 24 гигаваттпен екінші орынды иеленді, бұл өткен жылғы 16 гигаваттан 49% -ға артық. Америка құрама штаттары 21 гигаватт көрсеткішімен үшінші орынға шықты, бұл өткен жылғы көрсеткіштен 4% -ға жоғары. Африкадағы күн энергетикасы нарығы да жанданып келеді. Соңғы жылы бұл құрлық Қытайдан 60% -ға көп күн панелдерін импорттады.