Қытай халқы 1 миллиардқа төмендейді

KAZINFORM – Бүгінде Үндістанда 1,442 миллиард адам тұрады. Бұл – әлемдегі ең көп адам қоныстанған ел. 2011 жылы жүргізілген халық санағы бойынша Үндістанда 1,21 млрд адам тіркелген болатын.

Екінші орынға 1,425 миллиард халқы бар Қытай жайғасқан. ТАСС агенттігінің мәліметінше, бұл ақпараттар Біріккен Ұлттар Ұйымы халықты орналастыру қорының баяндамасында көрсетілген.

Аталған қор Үндістан халқы санының өсуін елдегі әлеуметтік-экономикалық жағдайдың жақсаруы және ана өлімі деңгейінің төмендеуімен байланыстырып отыр.

Қазіргі уақытта Үндістан халқының 26% -ы 10-24 жас аралығындағы жастар болып табылады.

Біріккен Ұлттар Ұйымы сарапшыларының бағалауы бойынша, Қытай халқының саны 2022 жылы 1,426 миллиардты құрап, азая бастаған.

Сарапшылар Қытай халқы осы ғасырдың соңына дейін 1 миллиардтан төмен түсуі мүмкін деп болжап отыр. Керісінше, Үндістан халқының саны алдағы бірнеше онжылдықта өсе береді деп күтілуде.

Оралхан Қожанов

Италия халқы қартайып барады

Италия демографиялық дағдарысқа ұшырауы мүмкін. Бұл туралы 24.kz сайты мәлім етті.

Бұлай деп демографтар дабыл қағып отыр. Олардың сөзінше, елде соңғы жылдары туу көрсеткіші төмендеп, халқы қартайып барады. Еуроодақ елдерінің тізімінде де италиялық балалардың саны кеми түскен. Бұлай жалғаса берсе, 2030 жылға қарай тағы миллионға қысқарады деген болжам бар. Сарапшылар: «халықтың қартаюы зейнетақы жүйесі мен денсаулық сақтау саласына ауыртпалық түсіреді», – дейді.