Қытай бес жыл ішінде дамушы елдерден қауіпсіздік күштерінің 5000 қызметін дайындайды. Бұл жайында islam.kz порталы Гонконгта жарық көретін South China Morning Post (SCMP) мерзімді басылымына (scmp.com сайты) сілтеме жасай отырып мәлім етеді. Хабарға қарағанда, шетелдік мамандарды күштік құрылымға тән дағдыларға машықтандыру бағдарламасы Қытай билігі ұсынған жаһандық қауіпсіздік бастамасы тұжырымдамсын жүзеге асыру аясында өтпек. Бұдан бөлек, Қытай әскерилерді алмасу бағдарламасы бойынша оқыту тәжірибесіне басымдық бермек. «Бейжің терроризмге қарсы, киберқауіпсіздік және биоқауіпсіздік саласындағы қауіпсіздік мәселелерін шешу үшін алмасу және ынтымақтастық негізінде халықаралық платформалар жиі ұйымдастыруды жоспарлап отыр», - делінген құжатта.