Осы жылдың басынан бері 46 палестиналық бала израилдіктердің қолынан қаза тапқан. Бұл жайында islam.kz порталы өз кезегінде Палестинадағы балаларды қорғау жөніндегі халықаралық ұйымның баяндамасынде келтірілген дерекке жөн сілтеген IslamNews ақпарат көзіне сілтеме жасай отырып мәлім етеді. Аталмыш құжаттағы мәліметке сәйкес 29 бала Израилдің қауіпсіздік күштері немесе басып алынған Палестина аумағында – Иордан өзенінің батыс жағалауы мен Құдысқа қоныстанған келімсектердің қолынан қаза тапқан. Израилдің тамыз айындағы Газаны қоршауға алған агрессиясынан тағы 17 баланың өмірі қиылған. Аталған ұйым бұл арада қасақана кісі өлтіру фактісіне баса назар аударған. 2021 жылы Палестинада израилдіктердің кәмелетке толмағандарды өлтіру саны бойынша антирекорд орнатылды. Содан кейін Израилдің күштік құрылымдары мен келімсектер 78 палестиналық баланың түбіне жеткен.