Біріккен Араб Әмірліктерінде африкалық сиқыршы қолға түсті. Ол бірнеше жыл бойы сиқырлықпен айналысып, клиенттерінен түскен табыспен күнелтіп келген. Белгілі болғандай, сиқыршы өз тәжірибесінде қара магияны пайдаланған. Яғни, өзіне қарамай қойған ер немесе әйел адамдарды сиқырдың күшімен «ғашық» қылу, т.б. заң жүзінде де, асыл дінімізлде де тыйым салынған істермен шұғылданған. Ол байқаусызда Ажман провинциясында полиция қызметкеріне өз қызметін ұсынған кезде әшкере болып, қолға түсті. Тінту кезінде анықталғандай, балгердің үйінен магиялық әдебиеттер, сиқыр ритуалына қажетті шөптер табылған. Соның ішінде ол қасиетті Құранды да арам мақсатына пайдаланған екен. Із кесушілерден құтылу үшін ол полиция қызметкерлерінің көзінше жындарын шақырған. Алайда, бірде-бір тылсым иесі оған көмекке келе қоймады. Оның қарғысы да құтқарып қала алмады.