Екі жасында инфекция зардабынан қолынан айырылған сегіз жастағыСион Харви есімді балаға алғаш рет қол қондыру отасы жасалды. Бұл ота үстіміздегі жылдың шілде айының бас кезінде жасалған, алайда, ол туралы ақпарат енді жарық көрді. АҚШ-тағыПенсильвания университетінің медицина ғалымдары, дәлірегі, Л. Скотт Левин бастаған 40 маман 10 сағат ота жасаған. Олардың айтуынша, жалғанған қол баланың ағзасымен бірігіп кетеді әрі баламен бірге жетіліп, өсетін болады. Ол ол ма, қол жалғанған бала уақыт өте келе құрбы-құрдастарымен доп ойнайтын болады. «Ересек пациентке екі қол қондыру отасы алғаш рет 2011 жылы жасалды. Біз балаға мұндай ота жасаған кезде оның технологиясын қолдандық»,- деді Левин.