Шотландия полициясы бейне бақылау камерасына түсіп қалған, бет-аузын тұмшалап алып, мешітке от қойған қаскүнемді іздестіріп жатыр. «Бишопбриггс мәдени орталығы» деп аталатын шотланд мешітіндегі бұл оқиға өткен жылдың қараша айының 17-сі күні орын алған болатын. Полиция бұл видеоны енді ғана жариялап отыр. Бұл жайында «IslamNews» ақпарат көзі «The Independent» агенттігіне сілтеме жасай отырып хабар таратты. Өрттен мешітке үлкен залал келсе де, бір тәуірі, ешкім зардап шеккен жоқ. «Бұл саналы түрде жасалған қастандық»,- деп баға берді шотланд полициясының тергеушісі Стивен Кук.