Мұсылмандардың қасиетті қаласы Меккедегі Қағбаны өртеуге ұмтылған адам ұсталды. "әл-Харам" мешітінде дәл қазір кіші қажылығын (ұмра) өтеушілер бар. Киелі қара тасқа от қоймақшы болған адам қажылардың бірі ретінде мешіт ішіне кірмек болған, – деп жазды 31 арна.

Бұл туралы Сауд Арабиясында білім алып жүрген қазақстандық Акбар Исмаилов атты студент өз парақшасында жариялады. Қажылар Қағбаны айнала тәуәп жасап жүргенде тәртіп сақшыларының бірі қолында күдікті бөтелкесі бар адамды байқап қалған. Бөтелкедегі сұйықтық бензин екені белгілі болған. Қаскөйдің йемендік екені айтылуда. Қолға түскен адамды бір топ сақшы сыртқа алып кетті. Қағбаға от қоймақ болған хусииттік шийт болуы мүмкін дейді алғашқы ақпарлар.