Бангладештің премьері Шейх Хасинмен бірге Нью-Йоркке ресми сапармен бірге барған телекоммнуикация министрі Әбділәтіп Сыддық бірқатар телеарналарға берген сұхбатында қажылықты «бос уақыт өткізу» деп атап, айды аспанға бір-ақ шығарды. Ол ол ма, ол қажылықтың ел экономикасына еш пайда әкелмейтінін, керісінше ішкі жалпы өнімді азайтатынын айтып, тағы «сандырақтаған». Оның бұл мәлімдемесі Бангладеш мұсылмандарының ашу-ызасын тудырды. Наразылық танытып, көшеге шыққан мұсылмандар оны отставкіге кетуін талап етті. Кейбіреулер оны «діннен шыққан» деп айыптады. Нәтижесінде министр қызметінен шеттетілді. Бұл жайында Aljazeera ақпарат көзі хабар таратты.