Пәкістанның әскери-теңіз күштері кемеге қарсы P-282 SMASH баллистикалық зымыранын сынақтан сәтті өткізді. Бұл жайында islam.kz порталы Naval News ақпарат көзіне сілтеме жасай отырып мәлім етеді. Сынақ барысында қытайлар құрастырған Zulfiqar класындағы фрегаттан ұшырылған зымыран теңіздегі нысана ретінде қойцылған кемені талқандай алған. P-282 SMASH өзінің баллистикалық табиғатына байланысты кемеге қарсы зымырандарға қарағанда өте бірегей тәсілді қолданады. RGM-84 Harpoon сияқты кәдімгі кемеге қарсы қанатты зымыраннан үлкен болуына қарамастан, ол фрегат класының көптеген кеме талаптарына сәйкес келеді. P-282 SMASH кемеге қарсы қанатты зымыран көп жағдайда нысананы бүйірден соғады, ал нысанаға іс жүзінде тігінен түсуінің арқасында кемелерді зақымдаудың жоғары жылдамдығына және үлкен әлеуетіне ие. Алайда, дәл бағыттау үшін траекторияның ортаңғы учаскесіндегі нысананың орналасқан жері туралы ақпаратты ұдайы талап етіледі.