Израил күллі әлемде тегін бүйрек донорлығы бойынша алда тұр. Бұл жайында islam.kz порталы cursorinfo.co.il ақпарат көзіне сілтеме жасай отырып мәлім етеді. Өзге біреудің өмірін құтқарып қалу үшін «етінен ет кесіп беру» секілді ерлікке пара-пар қайырымдылық іске бүйрек донорлығын ұйымдастырушы «Матнат Хаим» ұйымы ұйытқы болып отыр. Аталмыш ұйымның мұрындық болуымен алғашқы жылында төрт адамға тегін бүйрек трансплантацияланды. Ағзасын садақа етушілер арасында зайырлы қоғамды жақтаушылар да, діни парызын орындап жүргендері де, арабтар да, еврейлер де кездеседі.