Google компаниясының туындысы болып табылатын өздігінен жүретін автокөлікті АҚШ-тың федералды тергеу бюросы аса қауіпті қарудың түріне жатқызды. Олардың ойынша, мұндай автокөлікті қылмыскерлер өз мақсаттары мен мүддесіне пайдалануы мүмкін. Әзірге Американың төрт штатында, атап айтқанда, Невада, Флорида, Калифорния және Мичиган штаттарында өздігінен жүретін автокөліктердің «жүруіне» рұқсат етілген. Ал Еуропада Германия, Нидерланды және Испания елдерінде қоғамдық көліктерге арналған жолмен сынақтан өткізуге рұқсат берілді. Биыл Финляндияда да өздігінен жүретін автокөліктерді пайдалануға рұқсат беретін заң қабылданады.