Өзбекстанда перзент сүйген әкелерге ақылы демалыс берілуі мүмкін. Бұл жайында islam.kz порталы «Газета.uz» мерзімді басылымына сілтеме жасай отырып мәлім етеді. Тиісті заң жобасы парламенттің төменгі палатасына енгізілді. Нәдір Тілеуілді есімді депутаттың сөзіне қарағанда, аталмыш заң жобасында  қарастырылған талаптарға қарай бала туған сәттен бастап оның әкесіне бес күн ақылы демалыс беріледі. Жаңа босанған жарына көмектесу әрі қолдау көрсетуі үшін. Сондай-ақ, бұл бастама бойынша елдің еңбек кодексіне тиісті өзгертулер енгізіліп, гендерлік саласында жүргізіліп жатқан реформаның бір бөлігіне айналады.