Нью-Йорк басшысы Ерік Адам қасиетті жұма күні және Рамазан айында (ауызашарға байланысты) ақшам намазында дауыс зорайтқышпен азан шақыруға рұқсат беретін жарлыққа қол қойды. Бұл жайында islam.kz порталы өз кезегінде әл-Жазира (الجزيرة‎) арнасына жөн сілтеген IslamNews ақпарат көзіне сілтеме жасай отырып мәлім етеді. Аталған қала басшысы жарлықта айтылған мерзімде мешіттер тиісті әрі құзыретті орындардан алдын ала рұқсат алмай азан шақыра алатынын жария етті. Осылайша ол сайлау алдындағы уәдесінде тұрып, наным-сенім бостандығын, соның ішінде мұсылмандар құқығын қамтамасыз етті.