Нигерияның жоғарғы соты мемлекеттік мектептердегі хижабқа қатысты қоғамда қызу талқы тудырған талас-тартысқа нүкте қойды: мұсылман оқушы қыздарға мектеп қабырғасында хижабпен жүруіне кепілдік берді. Бұл жайында islam.kz порталы өз кезегінде Premium Times дерек көзіне жөн сілтеген IslamNews ақпарат агенттігіне сілтеме жасай отырып мәлім етеді. Африка құрлығындағы аталған елдің жоғарғы сот инстанциясы Әсия Әбдікәрім есімді мұсылман оқушының Лагос штатының билігіне шағымын қарастыра келе мемлекеттік мекемелерде  хижабқа тыйым салуды дін белгісі бойынша кемсітушілік деп таныды. Дәлірегі, мұндай тыйымды ннаным-сенім бостандығына кепілдік беретін конституция нормасына қайшы келеді деп таныды.