The Independent басылымы Сауд Арабиясынан шыққан Америкада тұратын әйелдерден сұхбат алған екен. Аталмыш ақпарат көзінің жазуынша, әйелдер Сауд Арабиясында әйелдер жауапкершіліктен қорқатындықтан некесіз туған балаларын далаға тастап кететінін айтқан. Мемлекетте түсік жасатуға қатаң тыйым салынған. Тек әйелдің денсаулығына қауіп төнсе ғана мүмкіндік берілуі мүмкін. Ал некесіз жүкті болып қалған  әйелдер сот арқылы үкім шығарылып, абақтыға жабылуы мүмкін. Аталмыш ақпарат көзінің айтуынша, әйелдер бұл тақырып туралы Сауд Арабия басылымдары жазбайтынын айтқан. Бұл жайында inform.kz ақпарат көзі хабар таратты.