Солтүстік Атлант саяси-әскери одақ немістердің ARX Robotics компаниясының автономды жауынгерлік роботтарды жасау жобасына қолдау көрсетті. Бұл жайында islam.kz порталы Bloomberg іскерлік ақпарат көзіне сілтеме жасай отырып мәлім етеді. Аталған компания 9 миллион еуро инвестиция алды, оның жартысынан көбі НАТО-ға тиесілі. ARX ​​Robotics-тің бас директоры Марк Витфелдтің айтуынша, қазіргі уақытта алянс мемлекеттері роботтар соғысына дайын емес, ал еуропалық әскерге ұшқышсыз жүйелер қажет. «Бұл жүйелерді өндіру оңай, орталықтандырылмаған және маңызды мөлшерде орналастыруға жарамды болуы керек», - деді ол.