Малайзияда, тек аталған елде ғана емес, сонымен қатар, исі мұсылман үшін тұңғыш рет контентті шариғат талабына сай сүзгіден өткізетін браузер іске қосылды. SalamWeb деп аталатын қосымша сүзгінің бірнеше сатысынан тұрады. Яғни, мұсылмандардың ар-намысына тиетін контентті, сондай-ақ, құмар ойындар мен порнографияны насихаттайтын материалдарды бұғатайды. Бұдан бөлек, бұл браузер намаз оқу уақытын еске салып тұрады. Бұл жайында әлемге әйгілі Bloomberg ақпарат көзі хабар таратты. Қазіргі уақытта бұл қосымша Малайзия мен Индонезия мұсылмандарына бағдарланған. Болашақта әлем мұсылмандарының 10 пайызын қамтиды. Бұл жөнінде Salam Web Technologies өкілі Хасни Зарина мәлім етті.