Chatham House ұйымының таяуда жүргізген әлеуметтік зерттеу нәтижесі көрсеткендей, Еуропаның бірқатар елі өздерінің отанында мұсылмандарды көргісі келмейді. Кәрі құрлықтың байырғы тұрғындарының дені Ақ үй қожайыны Дональд Трамптың мұсылман елдерінен мигранттардың келіне тыйым салатын аты-шулы жарлығын қолдайтынын жасырмады. Мұсылмандардың ел тұрғындарының бар-жоғы 0,3%-ын құрайтынына қарамастан Польша халқының сауалнама жүргізілген 71%-ы АҚШ президентінің мигранттарға қарсы жарлығын қолдайды. Бұл көрсеткіш Австрияда - 65%, Венгрияда - 64%, Бельгияда - 64%, Францияда - 61%.