Себде Себан Усак есімді түрік әйел әуесқой фотограф әрі саяхаттағанды жақсы көреді. Ол әлемді шарлап жүріп, Танзаниядан болашақ жарын кезіктіреді. Тұрмыс құрған соң ол танзаниялық мұсылмандардың өмірін жақсартуға көмектеседі. Ол бірнеше қайырымдылық қорына екі мың адамнан тұратын масай тайпасы туралы айтып, нәтижесінде төрт құдық қазылады. Мұнымен ғана шектеліп қалмай, жергілікті тұрғындарды көкөніс пен жеміс-жидек, басқа да бақша өнімдерін өсіруге баулиды. Қазір онда өсімдіктің 15 түрі өсіріледі. Оның бұл еңбегі елеусіз қалмай, әлеуметтік желіде дәріптеліп, көптеген марапатқа ие болады. Тіпті, Түркияның дін істері жөніндегі басқарма тарапынан халықаралық қайырымдылық қозғалысқа қосқан үлесі үшін марапатталды.