Кеше Еуропалық соттың шариғат шәлісіне тыйым салатынын қарастыратын қарар қабылдағаны турасында хабар таратқан едік. Яғни, жұмыс берушінің еркіне қалдырған болатын - жұмысшыларына шариғат шәлісін жамылуға рұқсат беретінін немесе бермейтінін.Осыған байланысты Ұлыбританияның премьер-министрі Тереза Мэй ел аумағында шариғат шәлісін жамылып жүруге мемлекет деңгейінде тыйым салынбайтынын мәлімдеді. "Елімізде әркімнің өз-өзін көрсетуге толық еркіндік берілген. Бұл ондаған жылдар бойына дәстүрге айналып үлгерді. Бұл тақырыпта ешқандай заң жобасын қабылдауға ниетіміз жоқ. Жекелеген институттар неге тыйым салатынын өздері шешеді. Кім нені киетінін қадағалау - үкіметтің міндеті емес",- деді ол мәлімдемесінде.